 |
||||||||||||||||
 |
|
|
|
|
|
|
||||||||||
|
||||||||||||||||
|
zur Homepage der Roten Funken Köln: |
||||||||||||||||
 |
||||||||||||||||
|
|||||||
 |
|||||||
|
|
|
|
|
|
|
|
|
Knubbeltour noh Paris |
|||||||
|
Vun Heinz Klein "Jöckpolver" |
|||||||
|
Op noh Paris. De II. Knubbel maat sing Knubbeltour. 60 ungernehmungslöstige Funke trofen sich madden en de Naach (för Funke) morgens um 7 Ohr an de Ülepooz. Et wor en erlebnisreiche Tour met vell rude Wing un vell zo müffele en nem Bistro op Montmartre un ne Besöck em „Lido“. Nä wat eh Spektakel. De Funke stippten nit nur de Mul och de Auge op. Nä wat han die Marieche. De „Florian“, der en de eeschte Reih soss, wor met singe 83 Johr am üvverläge op her nit noch ens hierode sull. Ävver et Tollste, besser jesaat eh Wunder passeerte am Friedachovend. De Funke schlefen medden en de Stadt en nem Hutel an der Oper. För Friedachovend wor op Montmartre eh Bistro reservert, doröm sullten der Bus om 7 Ohr des Ovends de Funke am Hutel avholle. Funke stunden stiefstatz om 7 Ohr för de Dör, wat nit kom wor de Bus. En halv Stund jewaad, et kom keine Bus, et Orjanisations-Komitee wod unruhig. Vörschlag vun de Truppe: Mer fahre met de Metro. Vörschlag anjenomme: 60 Mann en de nöckste Metro. Ömlaatsverwalter „Grümmel“ käuf 60 Fahrkaate. Jeder kritt eh Billjet, söns küß do nit durch de Sperre. Ab op de Bahnsteig. Jetz muß mer de Metro kenne. Dat sin unterirdische Katakombe, die jon erop un erav. Dreimol de Eck eröm un widder jradus. De „Kolve“ fungierte als Dolmetscher un schreiten: „Oppasse 2 mol ömsteije.“ De Knubbelföhrer „Jöckpolver“ hat sich schon domet avjefunge: Jet Verluste jit et bei jedem Manöver. Metro kütt, Dürre jon op – Dürre jon widder zo, tatsächlich all Funke dren. Zwei Statione fahre, widder all erus, ander Bahnsteig un widder all en de nöckste Zoch. Und at janze noh etliche Statione noch ens. Un do muß eh Wunder passeert sin. Op Montmartre woren doch noch all Funke zosamme. Böse Zungen behaupte jo, die hatten sich all wie em Kinderjaade an et Hängche jepack domet keine verlore jeht. Der Bus tauchte öm Meddernaach och op. Wor „anjeblich“ kopott. Zor Strof mod her wade un die Funke, die „wullten“, widder nomHutel fahre. He dät der Berichterstatter noch mieh schrieve, ävver usser andere Dachs em Lido un bes zor Avfaaht hät her keine Funke mieh jesin. Paris es evens en „Jroße Stadt“. |
|||||||